صبر ایله کؤنول محنت هجرانه تلسمه
درد اهلی یئتر صبریله درمانه تلسمه
یوسف ده زلیخانی محبّتله سئویردی
سالدیردی زلیخا اونو زندانه تلسمه
دونیایه وفا ائیلمه چوخ آغلاما کؤنلوم
دونیا نه وفا قیلدی سلیمانه تلسمه
کام آلمییاجاق آیریلیغا باعیث اولانلار
عاشق چاتاجاق سئوگیلی جانانه تلسمه
پروانه اگر یانسا دا شمعین ستمیندن
شمعین ده ییخار عؤمرونو پروانه تلسمه
گول ذوقونو چکمک ابدی خاره ده قالماز
بولبول گلر البته گولستانه تلسمه
«عماد الدین نسیمی»
دیدگاه پست
لینک:
گزارش مشکل پست